Nga Selaniku ku ndodhej për një vizitë pune, sapo u informua për lirimin e Fredi Belerit, kreu i diplomacisë grek Georgios Gerapetritis e ka konsideruar ngjarjen si zhvillim pozitiv , por që nuk fshin ato që kanë ndodhur gjatë gjithë muajve të kaluar në marrëdhëniet dy palëshe. Lirimi i eurodeputetit të zgjedhur Fredi Beleri pas një mbajtje në paraburgim dhe heqje lirie prej 16 muajsh , përbën një zhvillim pozitiv. Megjithatë, kjo nuk mohon të gjitha ato që kanë ndodhur dhe që çuan tek mbajtja e tij e gjatë në burg dhe gjithë ato që njohim sa i përket shtetit të së Drejtës në Shqipëri dhe të drejtat themelore . Greqia do të vazhdojë të kujdeset për minoritetin kombëtar grek dhe ti vërë në dukje çështjet që kanë të bëjnë me të drejtën Ndërkombëtare dhe ligjet europiane. Në të njëjtën gjatësi vale edhe deklarata e ministrit të Shtetit dhe zëdhënësit të qeverisë, i cili ka përshëpndetur lirimin e zotit Beleri, por duke nënvizuar se kjo nuk do të thotë që Athina do të harrojë gjithë ato që ndodhën këto 16 dhe rëndësinë e tyre, nzk do të harrojë se çështjet e mbrojtjes së prezumimit të pafajësisë dhe e të drejtave të një të akuzuari, janë të shenjta. Dhe nuk do ti harrojmë pasi në personin e Fredi Belerit qeveria greke shikon gjithë qytetarët grekë dhe gjithë minoritetin kombëtar grek të Shqipërisë, të cilin do vazhdojmë ta mbështesim, do jemi përkrah tij dhe tashmë ky minoritet grek i Shqipërisë dhe Greqia, bashkë me grekët, kanë një përfaqsues të tyre të zgjedhur në PE , i cili do të jetë aty , do të flasë për të drejtat njerëzore , do të japë më shumë beteja. Lirimi i Fredi Belerit zuri vend kryesor në gjithë mediat televizive që kishin dërguar gazetarët e tyre në Shqipëri, por edhe tek shtypi i shkruar. Mes të tjerave gazeta Kathimerini publikon deklaratën e parë të tij pas lirimit se “Shteti i së Drejtës dhe Demokracia në Shqipëri nuk janë rivendosur , institucionet nuk funksionuan, drejtësia nuk u dha ashtu siç duhet”, si dhe gazeta Ta Nea me artikullin e saj të titulluar -Fredi Beleris: “Në Shqipëri nuk është rivendosur demokracia – do ndjek rrugën e drejtësisë pas daljes nga burgu, me ankimim në Gjykatën Evropiane të të Drejtave të Njeriut.