Në një mbledhje me ministrant e kabinetit qeveritar dhe kryebashkiakët e ishujve të mëdhenj të Greqisë, kryeministri Mitsotakis ka shpallur një program vaksinimi të quajtur “Lira e kaltër”, me atë të të cilit do të vaksinohen deri në fund të muajit qershor të gjithë banorët e ishujve të vendit, mbi 18-vjeç, me vaksinën prej një doze Johnson&Johnson. Kyriakos Mitsotakis, kryeministër i Greqisë: Mbërritja e ngarkesës se pare te vaksinave një dozeshe Johnson & Johnson në fund të muajit do të drejtohet atje, tek këta ishuj, në mënyrë që të ndërtohet muri i parë masiv i imunitetit. Sepse vetëm në 19 ishujt tanë më të mëdhenj jetojnë më shumë se 700,000 bashkëqytetarë tanë. Greqia përpara nisjes së sezonit të turizmit ka kryer vaksinimin e 32 ishujve te vegjël , ne 36 te tjerë mbaron ne fund te Majit, ndërsa programi ne fjale synon banorët e përhershëm te 19 ishujve te mëdhenj te vendit, përveç Kretës. Kallitsa Frangiskou, nëndrejtore e spitalit Naksos: Ne vlerësojmë se deri në mes të qershorit shumica e banorëve do të vaksinohen dhe kjo do ta bëjë ishullin një destinacion të sigurt turistik. Qeveria greke po lufton për të ringjallur sektorin e saj kryesor të turizmit ku punësohen me shume se 1 mln qytetare, pasi u godit ashpër nga pandemia vitin e kaluar 2020, por nivelet e vaksinimit mbeten nën mesataren e BE, ndërsa ka ende shqetësim per numrin e madh te rasteve ditore, te te intubuarve apo vdekjeve. Greqia ka gjithsej 227 ishuj te banuar nga gjithsej 6000 dhe numri i banoreve te përhershme ne to shkon ne gati 1.5 milion. Disa prej ishujve te famshëm per pushime gjate dimrit nuk kane me shume se 10000 banore te përhershme , ndërsa Kreta numëron 600000 dhe ndiqet me pas nga Evia, Rodosi, Korfuzi, Lesbosi dhe Kios. Banoret ,mes tyre edhe shume shqiptare, presin me padurim ditën e premte kur do te komunikohet hapje zyrtare e sezonit turistik te vendit dhe hollësitë se si do te vijnë turistet e ndërthurur kjo edhe me lehtësimin e plote te masave kufizuese te pandemisë.