Një viktimë e përdhunimit gjatë luftës së viteve 1990, ligjvënësja Vasfije Krasniqi-Goodman në Kosovë guxoi të flasë hapur për ato momente te tmerrshme. Krasniqi-Goodman e ka zgjeruar fushëbetejën e saj dhe kërko sot të luftojë për të drejtat e grave që shpesh trajtohen si qytetare të dorës së dytë, thotë AFP. Agjensia e njohur e lajmeve kujton sesi në zgjedhjet e fundit parlamentare gratë arritën një nivel të paprecedent përfaqësimi politik, edhe pse rruga e barazisë në këtë shpqëri të dominuar më shumë nga meshkujt, mbetet e vështirë. Arsyeja e vetme përse jam këtu është të jem zëri i tyre dhe t`u jap forcë e kurajo. Të ngre zërin dhe të kërkoj drejtësi për krimet nëpër të cilat kemi kaluar. Ne duhet të ndryshojmë mentalitetin e familjeve, burrave dhe grave. Sepse krimet u kryen kundër vullnetit tonë. Të gjithë e dime se përdhunimet kanë ndodhur, madje edhe në prani të familjes, por ata janë përpjekur gjithmonë t`i injorojnë. Përdhunumi i Vasfije Krasniqi-Goodman ishte një prej mijëra episodeve të tilla gjatë luftës së Kosovës, por ende edhe sot ajo është e vetmja viktimë që ka folur hapur dhe tani këmbëngul për një ndryshim radikal të shoqerisë. Ajo është pjesë e një numri rekord femrash të zgjedhura deputete këtë vit në kuvendin e Kosovës, të shtyra në pushtet sic thotë AFP nga një valë zemërimi mbi dhunën në familje, mungesën e mundësive ekonomike dhe paragjykimeve që kanë hedhur rrënjë..