Një ngjarje e rëndë ka ndodhur në fshati Drenovë në Korçe ku dy persona të maskuar nën kërcënimin e armës kanë grabitur një market. Ngjarja ka ndodhur rreth orës 18.45 teksa dy personat kanë hyrë në marketin që ndodhet në një rrugicë në afërsi të qendrës së fshatit dhe nën kërcënimin e armës i kanë kërkuar pronarit Demirali Bylykbashi që tu jepte xhiron dtore. Pasi kanë përvetësuar rreth 20 000 lekë ata kanë marë edhe të gjitha paketat e cigareve që ndodheshin në market por edhe disa mallra të tjerë dhe janë larguar. Pas disa minutash nga largimi i tyre Bylykbashi ka kërkuar ndihmën e fqinjëve ndërsa ka deklaruar se arma e përdorur gjatë grabitjes ngjante më një pushkë duke pohuar se personat ishin të maskuar. Pas marrjes së njoftimit dhe kqyrjes së vendngjarjes policia tha se ka ngritur edhe pika kontrolli në akset kryesore dhe hyrje daljet e qytetit për të bërë të mundur identifikimin dhe kapjen e autorëve.