Në Danimarkë edhe gratë do të bëhen pjesë e shërbimit ushtarak. Kryeministrja danzeze Metter Frederiksen njoftoi gjithashtu se vendi do të rrisë edhe buxhetin e mbrojtjes me gati 6 miliardë dollarë në pesë vitet e ardhshme, për të përmbushur kështu edhe objektivat e NATO-s. “Ne nuk riarmatosemi sepse duam luftë. Ne po riarmatosemi sepse duam ta shmangim atë”, tha Frederiksen e cila shtoi gjithashtu se qeveria përmes këtyre vendimeve po kërkon të arrijë barazi gjinore. Të gjitha gratë e vendit skandinav mund të bëhen vullnetare për shërbimin ushtarak. Qeveria daneze po mendon ta prezantojë nismën e rekrutimit të femrave nga vitit 2026, duke u bërë kështu I treti vend europian krahas Norvegjisë dhe Suedisë që ka në përbërjen e forcave të armatosur gra. Ndërkohë sipas kësaj reforme, shërbimi ushtarak do të zgjate nga katër në 11 muaj si për burrat ashtu dhe gratë. Forcat e armatosura të Danimarkës, sipas BBC, aktualisht numërojnë rreth 20,000 personel aktiv, duke përfshirë rreth 9,000 trupa profesionistë. Pamjet: AFP