Google Earth zbuloi një objekt misterioz metalik gjysmë të zhytur në ujë ne Antarktikë, dhe në rrjet shpërthyen komentet: shumë prej ndjekësve, besojnë se bëhët fjalë për një UFO. Objekti në formë trekëndore u pikas pranë brigjeve të kontinentit të bardhë. Disa prej përdoruesve shprehen se nuk besojnë që ky objekt është natyral. “Ai duket shumë ndryshe nga i gjithë terreni përreth dhe mund të jetë ndoshta 18 metra”, shkruan njëri prej tyre i identifikuar si Graham. Pak kohë më parë, ish hetuesi veteran i jashtëtokësorëve, Gary Heseltine befasoi me deklaratë e tij se UFO-t mund të mos vijnë nga hapësira, por nga fundi i detit. Heseltine, zv/president i Koalicionit të ri Ndërkombëtar për Jashtëtokësorët i përbërë nga kërkues dhe shkencëtare prej 27 vendesh të ndryshme të globit, tha për The Sun se “UFO-t janë parë shpeshherë duke dalë nga uji. Kjo na bën të dyshojmë se bazat e alienëve mund të jenë në fundin e oqeaneve tona”, u shpreh ai. “Mund të duket cmenduri, por po te mendosh se ne oqeanet i njohim vetën në masën 5% dhe më shumë njohim sipërfaqen e Hënës, atëherë po, ka kuptim”, ishte komenti i tij.