Zhurma bombash dhe tym shpërthimesh dëgjoheshin sot në qytezën ukrainase Shastia, e cila ndodhet pranë repubilkës së vetëshpallur të Lugansk. Shastya ka qenë në qendër të tensioneve Ukraine-Rusi që prej dislokimit të ushtrisë ruse pranë kufijve të vendit dhe me vone ne rajonet separatiste. Ukraina tha sot (e mërkurë) se një ushtar është vrarë nga goditjet e artilerisë në lindje, pa specifikuar vendndodhjen. Qeveria thotë se nëntë ushtarë ukrainas janë vrarë prej fillimit të vitit, gjashtë prej të cileve në përshkallëzimin e katër ditëve të fundit, sipas rrjetit AFP. Militantët rebelë kanë pretenduar viktima mes civilëve dhe jo mes luftëtarëve. Presidenti dhe parlamenti rus ka njohur dje dy rajonet separatiste në lindje të Ukrainës, duke dislokuar aty trupa të rregullta ushtarake. SHBA e NATO thonë se Rusia po përgatitet të pushtojë Ukrainën, por presidenti Putin tha dje se "kjo do të varet nga situata në terren", sipas AFP.