Mbrëmjen e kësaj të premteje makina eskortë e Gardës së Republikës që po shoqëronte familjen e kryetares së Gjykatës së Posacme Antikorrupsion, Irena Gjokës është përfshirë në një aksident. Top Channel mëson se makina ku udhëtonte djali i krygjyqtares që po ruhet me masa shtese që kur ka dhënë vendimin e parë detyrim paraqitje për Slai Beirshën dhe ndalim të udhëtimit jashtë shtetit, u përplas nga një mjet tjetër i drejtuar nga një polic. Fatmirësisht nga përplasja nuk ka dëme në njerëz, por vetëm dëme materiale. Personi që shkaktoi aksidentin i prezantuar si polic ka thënë se rrëshkiti në rrugë pasi po binte shi, por menjëherë pas ngjarjes policia dhe garda u ngritën në këmbë. Verifikime urgjente po kryhen edhe nga Shërbimi Informativ Shtetëror. Në pyetje për aksidentin do merren edhe punonjësit e Gardës që shoqëronin familjen e Irena Gjokës, Paraprakisht ata kanë deklaruar se shoferi që shkaktoi aksidentin, i prezantuar si polic nga Elbasani po udhëtonte me shpejtësi të lartë. Ndonëse punonjësit e gardës i kanë bërë shenjë të mos futen në grupin e eskortës- shpjegon njëri prej tyre, por ishte e pamundur. Këto manovra, tha punonjësi i gardës janë kryer pak caste para ser të ndodhte aksidenti. Nga hetimet paraprake, vendi i ngjarjes krijon bindje të plote qe është aksident automobilistik, por për shkak se kryegjyqtarja po ruhet familjarisht prej gardës së republikës do kryhen hetime shterruese Garda e Republikës shtoi truprojat për ruajtjen e gjyqtares Irena Gjoka pas sulmeve verbale të njëpasnjëshme të Sali Berishës ndaj saj për vendimin e datës 20 tetor kur firmosi masën e arrestit ‘detyrim me paraqitje’ dhe ndalim të udhëtimit jashtë për vetë Berishën si dhe masën e arrestit me burg për Jamabër Malltezin të akuzuar për korrupsion në aferën e privatizimit të ish-kompleksit Partizani.