Përdorshmëria si provë e komunikimeve të transkiptuara në rrjetin SKY dhe Encrochat ishte tema e debatit në Gjykatën e Apelit të Posaçëm ku biznesmeni Pëllumb Gjoka, prokurori XHevahir Lita e ish-shefi i operacionales Oltion Bistri së bashku me 3 të arrestuar të tjerë kërkuan ndryshimin e masës së sigurisë. Në këto kushte, apeli nuk u shpreh dhe e shtyu masën për datën 31 gusht. “Hetimi në Francë është bërë për trafikun e drogës. Për të lidhur një person me një ngjarje konkrete, duhet të ketë prova dhe jo hamendësime. SPAK nuk është burimi zyrtar i vetëm. Në Shkallën e Parë kemi patur probleme me njohjen e dokumenteve, por në gjykatën e Apelit na u dha mundësia që në të gjykojmë. Atë që ne kemi parë në ato dosje nuk korrespondojnë thuajse fare me atë që thoni ju”, tha avokati i Pëllumb Gjokës, Ylli Manjani.