Nga një i akuzuar për korrupsion në zgjedhje, Dhionis apo Fredi Beleri akuzoi gjykatën se ka shkelur kushtetutën kundër tij. Klecka që Beleri është i bindur se ka zbuluar lidhet me dëshmitarin e drejtësisë Arsen Rama, i cili rrëfeu me dyer të mbyllura gjatë seancës së kaluar. Pse u bë seanca me dyer të mbyllura – pyeti Beleri , sipas të cilit trupa gjyqesore nuk mbajti qëndrim të drejtë. Por SPAK pretendoi gjatë seancës se dëshmitari i drejtësisë ishte kërcënuar , gjë që u u hodh poshtë nga Beleri me shpjegimin se “ ajo që i ndodhi me dëmtimin e automjetit nuk do të thotë se atij i rrezikohet jeta”. Kur gjykata priste të dëgjonte rrëfimin e Avdyl Ramës që është vëllai i dëshymitarit të drejtësisë, mungesa e tij shkaktoi tensione mes palëve. Prokurorja e SPAK Dorina Bejko deklaroi se dëshmitari nga të dhënat e TIMS rezulton se ishte larguar nga vendi. Por për avokatët e tij Avdyl Rama ndodhet në qytetin e Vlorës ku ka ka adresën e banimit. Për mbrojtjen të dhënat mbi vendndodhjen e dëshmitarit duhej të ishin referuar gjykatës nga policia.