Pas 9 muajsh hetime prokuroria e tiranës dërgon për gjykim vrasjen e 37 vjeçarit Asim Gjoni, krim për të cilin autor është babai I tij Hekurani. Krimi ndodhi këtë shkurt në Tiranë pas një konflikti të çastit ku 74 vjeçari qëlloi për vdekje me thiken e bukës të birin. Përpara hetuesve I moshuari shpjegoi se kur ishin duke drekuar në shtëpinë e tyre u ngacmuan me fjale me të birin dhe në inat e sipër e ka qëlluar me shpullë. I biri i është kundërpërgjigjur dhe mes tyre ka ndërhyrë vajza që ka tentuar ti ndajë. Sipas Hekuran Gjonit i biri Asimi ka shtyrë të motrën duke e rrëzuar në tokë çka ka sjellë acarimin e tij. Në ato momente ka kapur thikën në tavolinë dhe e ka qëlluar vetëm një herë në brinjë, plagë e cila rezultoi fatale. Ndaj 745 vjeçarit është ngritur akuza e vrasjes për shkak të rrethanave familjare që sipas kodit penal rrezikon burgim të përjetshëm.