Prokurori i Posaçëm, Jack Smith, i ka kërkuar të hënën një gjykatësi federal ta hedhë poshtë aktakuzën kundër presidentit të zgjedhur të Shteteve të Bashkuara, Donald Trump, për tentativë komploti për të përmbysur rezultatin e zgjedhjeve presidenciale të vitit 2020. Smith citoi politikën e Departamentit amerikan të Drejtësisë, e cila i mbron presidentët në detyrë nga ndjekja penale. Ky vendim shënon edhe fundin e përpjekjeve historike të Departamentit të Drejtësisë për ta mbajtur Trumpin përgjegjës për atë që prokurorët e quanin si konspiracion kriminal për të ardhur në pushtet para sulmit të mbështetësve të tij në ndërtesën e Kongresit amerikan, më 6 janar 2021. Departamenti i Drejtësisë beson se Trumpi nuk mund të gjykohet më, pasi politika e departamentit thotë se presidentët në detyrë nuk mund të ndiqen penalisht. Trumpi i ka cilësuar të dyja rastet kundër tij si të motivuara politikisht dhe është zotuar që ta shkarkojë Smithin sapo ta marrë detyrën në janar. Gjykata e Supreme e SHBA-së, në korrik, vendosi për herë të parë se ish-presidentët kanë imunitet të gjerë nga ndjekja penale, ndonëse ekipi i prokurorit Smith, në tetor, paraqiti një dokument të gjatë duke shpalosur prova të reja që synonte t’i përdorte kundër Trumpit në gjyq. .