Gjykata e posacme në Tiranë pranoi kërkesën për gjykim të shkurtuar të nëntë të akuzuarve të SPAK për inceneratorin e Elbasanit, një cështje në të cilën gjyqtari paraprak nuk ishte shprehur. Sipas këtij vendimi gjykimi i shkurtuar nuk do të aplikohet vetëm për Etleva Kondin, anëtare e Komisionit të Vlerësimit të Ofertave, mbasi më herët e dyshuara nuk e kishte depozituar një kërkesë të tillë.Të gjithë të tjerët në datën 18 maj, ora nëntë do të dëgjojnë pretencën e SPAK që është episodi i parafundit përpara se mbrotjja të përsërisë edhe njëherë qëndrimin e saj se janë shkelur parimet e gjësë së gjykuar dhe se nuk ka dëm për inceneratorin e Elbasanit. Përpara se gjykata të shprehej për pranimin e gjykimit të shkurtuar që nuk do të thotë pranim i fajësisë, ish ministri Lefter Koka insistoi përmes avokatëve bashkim të dosjes së Elbasanit me atë të Fierit. Kërkesa nuk u pranua.