Gjykata e Lartë Amerikane i ka dhënë imunitet të pjesshëm presidencial Donald Trump në gjyqin për sulmin në Kapitol Hill. Kandidati republikan megjithatë, nuk mbrohet nga imuniteti "për veprimet e kryera në funksionet e tij private". Të hënën Gjykata e Lartë ia la barrën e vendosjes se si dhe kur të zbatohet imuniteti i pjesshëm një gjykate më të ulët. Kjo do të lejojë që procesi të vazhdojë, por me vonesa të mëtejshme, sepse do të duhet të bëhet një dallim mes dokumenteve zyrtare dhe dokumenteve private. Trump akuzohet gjithashtu për përvetësimin e disa dokumenteve sekrete në Mar a Lago dhe për përpjekje antiligjore për të përmbysur votën në Xhorxhia. Me këtë vendim, për herë të parë që nga themelimi i vendit në shekullin e 18-të, Gjykata e Lartë deklaroi se ish-presidentët mund të mbrohen nga akuzat penale në disa raste. Komenti i Trump ishte i menjëhershëm, duke e quajtur "një fitore të madhe për Kushtetutën dhe demokracinë" dhe duke thënë se ishte "krenar që është amerikan". Nga stafi zgjedhor i Joe Biden, megjithatë, u shprehën të zhgënjyer, sepse sipas tyre deklarata "është politikisht e padobishme" sepse "nuk i ndryshon faktet" në lidhje me 6 janarin, ditën e sulmit në Kapitol.