Kryeprokurori i Gjykatës Ndërkombëtare Penale kërkoi lëshimin e fletarresteve për kryeministrin Izraelit, Benjamin Netanyahu, si dhe për liderët kryesorë të Hamasit – grupit të shpallur terrorist nga Shtetet e Bashkuara dhe Bashkimi Europian. Karim Khan argumentoi se beson që Netanyahu, ministri izraelit i Mbrojtjes, Yoav Gallant, dhe tre liderë të Hamasit - Yehia Sinëar, Mohammed Deif dhe Ismail Haniyeh - janë që të gjithë përgjegjës për krime lufte dhe për krime kundër njerëzimit në Rripin e Gazës dhe në Izrael nga 7 tetori 2023. GJNP, me bazë në Hagë, është duke hetuar veprimet e Izraelit në territoret e uzurpuara në tre vjetët e fundit, e së fundi, sic thotë BBC, në lupën është duke kaluar edhe veprimet e Hamasit. Netanyahu së fundi e cilësoi perspektivën e rreshtimit të figurave të larta izraelite në listën e të kërkuarve të GJNP-së si “fyerje të përmasave historike”. Ministri izraelit i kabinetit të luftës, Benny Gantz, rival politik i Netanyahut, e denoncoi vendimin e prokurorit. “Heqja e paraleleve mes liderëve të një vendi demokratik të vendosur që të mbrojë veten nga terrori i neveritshëm me drejtuesit e një organizate të etur për gjak është një shtrembërim i thellë i drejtësisë dhe një falimentim i hapur moral," postoi ai në X. Duke folur për veprimet e Izraelit, Khan tha në një komunikatë se “ndikimet e përdorimit të urisë si mjet lufte, së bashku me sulmet e tjera dhe ndëshkimin kolektiv kundër popullsisë civile në Gazë, janë akute, të dukshme dhe shumë mirë të ditura...Ndërsa në lidhje me veprimet e Hamasit më 7 tetor, ai tha se i ka parë vetë “skenat shkatërruese të atyre sulmeve dhe ndikimin e thellë të krimeve të pandërgjegjshme.”