Gjykata e Posacme ka vendosur sot për konfiskimin e 15-të pasurive të Arben Kaçorrit dhe familjarëve të tij, duke pranuar kërkesën e SPAK-ut që vërtetonte se këto pasuri në emër të tij apo të familjarëve ishin të vendosura në rrugë jo ligjore. Arben Kaçorrit i janë sekuestruar apartamente, garazhe, godina tregtare si dhe toka në zona kryesore të Tiranës si dhe në ishull Shëngjin në Lezhë, në Rrëshen të Mirditës dhe në fshatin Gjilekë të Dhërmiut. Arben Kaçorri ka qënë edhe subjekt i operacionit Forca e Ligjit. Ai rezulton i dënuar për vrasje e trafik armësh në Itali Veç Italisë, Arben Kaçorri në vitin 2008, në atë kohë 36-vjeç u ndalua nga policia kufitare e Kakavijës me 4 kg marijuanë dhe 300 gramë kokainë. Më 19 shkurt të vitit 2020 OFL-ja dërgoi me shkrim një kërkesë për të bërë vetëdeklarim të pasurive si Arbenit ashtu edhe vëllit të tij, Valentino Kaçorri. Po ashtu OFL-ja kërkoi vetëdeklarim të pasurive edhe për kunatin e tyre, Ervis Martinaj i cili rezulton i zhdukur prej 9 gushtit 2022.