Qeveria e Gjermanisë urdhëroi të hënën kontrolle të përkohshme në të gjitha pikat kufitare tokësore si reagim ndaj migrimit jo të rregullt dhe për t’u mbrojtur nga rreziqet dhe nga ekstremizmi. Ministrja e Brendshme, Nancy Faser, tha se Qeveria po i zgjeron kontrollet e përkohshme në të gjitha pikat kufitare tokësore gjermane. “Ne po forcojmë sigurinë tonë të brendshme nëpërmjet masave konkrete dhe po vazhdojmë me qëndrim të fortë kundër migracionit të parregullt”, deklaroi Faser. Ministria ka thënë se është njoftuar Bashkimi Evropian të hënën për vendimin që të vendosë kontrolle kufitare në pikat kufitare tokësore me Francën, Luksemburgun, Holandën, Belgjikën dhe Danimarkën për një periudhë gjashtëmuajshe. Kontrollet do të nisin nga 16 shtatori. Më herët Gjermania kishte vendosur kontrolle kufitare në kufijtë tokësore me Poloninë, Republikën e Çekisë, Austrinë e Zvicrën.