Një grua shqiptare 34 vjece, e identifikuar si Nasibe K. dhe djali i saj 3 vjecar Ben, janë rrëmbyer sipas gazetes gjermane Bild e cila thotë se ata u morën me forcë në Meckenheim, nga disa njerëz me një makinë të bardhë tip “Audi”, të cilët janë larguar në drejtim të paditur. Policia gjermane mendon se bëhet fjalë për një plan të thurur me kujdes. Dyshimet më të mëdha deri tani bien mbi ish bashkëshortin e gruas, Blerim K. Sipas Bild, nëna ë re dhe fëmija po qëndronin në një stacion autobuzi pranë shtëpisë së tyre, kur Audi i ndaloi te këmbët. Dy persona dolën prej andej e i tërhoqën zvarrë duke i futur në makinë kundër vullnetit të tyre. Nasibe është dëgjuar të bërtasë e të kërkojë ndihmë. Ajo duket se ishte larguar nje herë nga ish burri i saj i dhunshëm, e ishte strehuar në një qendër për nënat e vetme me fëmijë në Meckenheim, pranë Bonnit. Por ai duket ka arritur ta gjejë adresën e tyre të re. Autoritetet policore gjermane po zhvillojnë kërkime nga toka dhe ajri për gjetjen e saj dhe të fëmijës.