Opozita gjermane i ndërpreu bisedimet me qeverinë për një qasje të përbashkët ndaj politikës së azilit. Për CDU/CSU, propozimet e ekzekutivit të Olaf Scholz nuk ishin ambicioze mjaftueshëm. Ministrja e Brendshme Nancy Faeser kishte propozuar një procedurë për kthimin e refugjatëve në kufi, të cilën politikania e SPD-së e konsideroi si në përputhje me ligjin. Ndërkohë, kërkesa e CDU për shpalljen e gjendjes së jashtëzakonshme kombëtare në Gjermani në përputhje me ligjin e BE-së nuk u plotësua. Ky plan është refuzuar në dokument si "i rrezikshëm".Plani i Faeser-it parashikon një rol më të madh për policinë federale; me të synohet d të përshpejtohet e ashtuquajtura procedurë e Dublinit. Kjo përcakton se cili vend evropian është përgjegjës për një procedurë azili. Policia federale duhet të kontrollojë nëse ka vende të lira për arrest dhe, nëse është e nevojshme, të kërkojë ndalim nga gjykata kompetente në mënyrë që të prekurit të mos arrijnë të fshihen. Qeveria gjermane dëshiron të kërkojë dialog në mënyrë që shtetet, tek të cilat duhet të kthehen pas emigrantët, të bashkëpunojnë.Hans Vorländer, kryetar i Këshillit t Ekspertëve për Integrimin dhe Migracionin, i cili këshillon Qeverinë Gjermane i tha portalit tagesschau.de, se një emergjencë kombëtare për të anashkaluar legjislacionin e BE, sigurisht që duhet t'i njoftohej Komisionit Evropian dhe të justifikohej bindshëm. Sipas tij, "pavarësisht numrit të sulmeve me thikë dhe krimit të Solingenit, sipas mendimit të shumë njerëzve, siguria e brendshme nuk është rrezikuar deri në atë pikë sa të justifikojë një emergjencë kombëtare".