Një shpërthim pranë një stacioni treni tronditi Mynihun në Gjermani. Tre persona mbetën të plagosur, njëri prej të cilëve është në gjendje kritike për jetën. Dojce Vele thotë se shpërthimi u shkaktua nga një bomvë e pashpërthyer e Luftës së Dytë Botërore. Teksa punonin në zonë, punëtorët e ndërtimit prekën aksidentalisht bombën 250 kilogramëshe të fshehur nën tokë, dhe prej kesaj ndodhi shpërthimi.Ministri i brendshëm i Bavarisë, Joachim Herrmann e vizitoi zonën me urgjencë e konfirmoi ekzistenën e bombës dhjetëra vjecare. Shpërthimi dhe zhurma e fuqishme pranë Donnersbergerbrucke, u pasuan nga një shtëllungë gjigande tymi. Të tre personat që po punonin aty, mbetën të plagosur. Shërbimi hekurudhor gjerman, Deutsche Bahn pezsulloi menjëherë lëzvizjen e trenave në zonë. Zbulimi i bombave të mbetura që prej kohës së Luftës së Dytë Botërore në Gjermani nuk është dicka e pazakontë, por shpërthimet e tyre kanë qenë jashtëzakonisht të rralla.