Makinistët gjermanë të trenave nisën një grevë 24-orëshe mbrëmjen e së enjtes pas mosmarrëveshje të vazhdueshme me operatorin kombëtar hekurudhor mbi pagat dhe kushtet e punës. Sipas një deklarate të Sindikatës Gjermane të Makinistëve të Trenave, greva mbarëkombëtare nisi në orën 22:00 të së enjtes dhe do të përfundojë në orën 22:00 të kësaj të premteje. Udhëheqësi i sindikatës Claus Ëeselsky kritikoi ashpër operatorin hekurudhor Deutsche Bahn për mos ndërmarrje të asnjë hapi drejt një kompromisi që kur raundi i fundit i negociatave dështoi muajin e kaluar. Deutsche Bahn tha se pothuajse 80% e shërbimeve të trenave në distanca të gjata do të anulohen për shkak të grevës, dhe gjithashtu paralajmëroi për anulime dhe vonesa në transportin rajonal dhe lokal, veçanërisht në Berlin dhe Hamburg. Sindikata gjermane e makinistët të trenave po negocion aktualisht me Deutsche Bahn për rritjen e pagave dhe kërkon një rritje pagash prej 555 euro në muaj, një prim kompensimi të njëhershëm të inflacionit deri në 3000 euro. Sindikata kërkon gjithashtu uljen e orarit të punës për punëtorët me turne, nga 38 në 35 orë në javë, pa ulje page. Pamjet: AFP