Pas marrjes se statusit të vendit kandidat për në BE, shumë njerëz mbushën rrugët e kryeqytetit të Gjerorgjisë, Tbilisi për të festuar vendimin. Në samitin e Brukselit që u mbajt të enjten, udhëheqësit e Bashkimit Europian vendosën që t’I japin statusin e shumëpritur Gjerogjisë, ndërsa hapën bisedimet e pranimit për Ukrainën dhe Moldavinë. Me flamuj në duar turma pushtoi sheshin kryesor për të festuar vendimin. Të gjithë qytetarët mbanin flamuj të shtetit gjeorgjian në duam ndërsa një orkestër interpretoi himnin kombëtar dhe odën e Gëzimit të Bashkimit Europian. "Ju përgëzoj për këtë ngjarje historike. Rroftë Gjeorgjia e bashkuar, e fortë, evropiane!" I tha turmës kryeministri Irakli Garibashvili. Ndërkohë presidentja e vendit nuk u ftua në podium për shkak të mosmarrëveshjeve që ka me partinë në pushtet, raporton AFP. Në vend të kësaj, ajo qëndroi në turmë. "Kjo është një festë e madhe," u tha ajo gazetarëve. "Ne bëmë një hap shumë të rëndësishëm drejt (bashkimit) në BE." Gjeorgjia, Moldavia dhe Ukraina aplikuan për t'u bashkuar me bllokun 27-vendesh pasi Kremlini nisi luftën e tij gjithëpërfshirëse kundër Ukrainës vitin e kaluar. BE-ja i dha statusin e kandidatit Kievit dhe Chisinau-t në atë kohë, por i kërkoi Tbilisit që së pari të reformonte sistemet e tij gjyqësore dhe zgjedhore, të zvogëlojë polarizimin politik, të përmirësojë lirinë e shtypit dhe të kufizojë pushtetin e oligarkëve.