Tetëmbëdhjetë emigrantë janë gjetur të vdekur brenda një kamionipranë kryeqytetit Sofjenë Bullgari. “Sipas provave paraprake automjeti po transportonte në mënyrë të paligjshme rreth 40 emigrantë të fshehur nën tufa me dru”, njoftoi Ministria e Brendshme. Deri më tani dyshohet se ata kanë ndërruar jetë nga mungesa e oksigjenit, brenda ambientit totalisht të izoluar. "Ka pasur mungesë oksigjeni për ata që ishin në këtë kamion. Ata nuk kanë ngrënë për disa ditë", deklaroi ministri bullgar i Shëndetësisë. Të mbijetuarit u dërguan në spital për të marrë trajtimin e nevojshëm mjekësor, ndërsa tetë prej tyre janë në gjendje të rëndë shëndetësore. Policia u njoftua nga banorët e fshatit Lokorsko, rreth 20 km larg kryeqytetit, për praninë e një kamioni të braktisur pranë fshatit. Në kërkim është shpallur drejtuesi i kamionit, i cili u largua nga vendi i ngjarjes. Vendi ballkanik po përballet me një fluks muajt e fundit, situatë që nuk është parë as në krizën e migracionit gjatë vitit 2015. Bullgaria ndodhet në një rrugë që përdoret nga emigrantët e Lindjes së Mesme dhe Afganistanit, për të hyrë në Bashkimin Evropian.