Agron Gjekmarkaj nën kryetari demokrat i Kuvendit, njëherazi nën Kryetar i Partisë Demokratike, pasi ka lënë spitalin, shpjegoi incidentin gjatë protestës të së Hënës ku ai humbi ndjenjat. Fillimisht deklaratën e policisë së shtetit zoti Gjekmarkaj e quan si dizinformuese. “ Nuk kam sulmuar asnjëherë askënd. Dje thjesht jam mbrojtur. I gjendur para një makine të vogël bashkë me shoqëruesin tim , punonjës i gardës, i cili u keqtrajtua gjithashtu ndonëse u tregoi edhe dokumentin identifikues, u rrethova nga një grup i madh policesh. Ju thashë mos më prekni , jam Agron Gjekmarkaj, Nën Kryetari i Kuvendit. Me shtynë brutalisht , me shumë forcë, thyen edhe pasqyrën e veturës duke më ngritur gati në ajër mua. Më tërhoqi shoqëruesi me shumë mundim dhe një djalë nga Lezha përmes policëve teksa ndieja frymarrjen që po më ngadalësohej! Deputeti demokrat, Agron Gjekmarkaj tregon se më pas pasi doli nga turma e policeve duke e tërhequr të tjerët dhe humbi ndjenjat.