Gjashtë mbikalime për këmbësorët do të ndërtohen përgjatë kilometrave të parë të autostradës Tiranë–Durrës. Ndërtimi i këtyre mbikalimeve do t’u mundësojë banorëve që jetojnë përgjatë autostradës të lëvizin më lehtë dhe në mënyrë më të sigurt Procedura e tenderimit pritet të mbyllet më 15 qershor. Pas shpalljes së fituesit, punimet do të nisin menjëherë. Projekti parashikon edhe instalimin e sistemit të ndriçimit, gjelbërimin e zonave përkatëse, vendosjen e barrierave akustike, si dhe ndërhyrje të tjera plotësuese. Gjithashtu ARRSH njofton se do të krijohen edhe nyje lidhëse për bizneset në atë të rrugës që të kenë akses të plotë me autosdradën. Këto punime pritet që të përfundojnë në muajin shtator para nisjes së vitit të ri shkollor, me qellim që mbikalimet të jenë të aksesushme për banorët e zonave përreth.