Çarje të reja vullkanike ishin hapur sot në ishullin spanjoll të La Palma, duke lëshuar llavë të freskët e duke kërcënuar zona të reja. Shkëmbi i shkrirë që dilte nga krateri kryesor po avanconte me shpejtësi 7 metra ne minutë drejt zonave të paprekura më parë, tha ekspertja spanjolle María Blanco. Shpërthimi vullkanik në ishullin e arqipelagut Kanarie në oqeanin Atlantik, ka nisur që prej 19 shtatorit. 10 javë prej atëhere për, 11 rrjedha të reja llave janë pikasur nga shkencëtarët, të cilat kanë mbuluar më shumë se 1000 hektarë tokë. Llava ka mbuluar faqe mali, ka shkatërruar mijëra shtëpi, rrugë, linja elektrike, sisteme ujitjeje dhe rrjedhimisht dhe plantacionet e rëndësishme të bananeve. Një prej lumenjve të llavës javës që shkoi shkatërroi një varrezë ku preheshin trupat e më shumë se 3000 njerëzve. Megjithë dëmet, nuk janë raportuar vdekje apo plagosje nga shpërthimet. Fluturimet drejt La Palma kanë rinisur kësaj jave pas një jave pezullimesh prej hirit vullkanik që frynte në drejtim të aeroportit.