Gazetari i televizionit Italian “Rai 3”, Giorgio Mottola ka dhënë një intervistë ekskluzive për emisionin “Zona Zero” me gazetarin Milaim Zeka në Top News ku ka folur lidhur me dokumentarin të publikuar ditë më parë në emisionin e tij lidhur me marrëveshjen mes Italisë dhe Shqipërisë për emigrantët. Përkundër polemikave që ngjalli me dokumentarin e tij dhe reagimet e shumta nga politika shqiptare dhe italiane, Mottola tha se qëllimi i vetëm kishte qenë zbardhja e detajeve sesa do duhet të paguajë Italia për ngritjen e kampit të refugjatëve në Shqipëri. I pyetur se përse nuk u publikua pjesa e dytë e dokumentarit, Mottola tha se pjesa e dytë do të publikohet së shpejti me intervistën edhe të kryeminsitrit Edi Rama.