Zyrtarë të Hamasit thonë se janë duke shqyrtuar një propozim të ri nga ushtria izraelite për arritjen e një armëpushimi të ri me Izralin. Një zyrtar i lartë i Hamasit, që foli në kushtet e anonimatit tha se propozimi përfshinte një armëpushim me tre faza, gjatë të cilës grupi fillimisht do të liroheshin civilët e mbetur në mesin e pengjeve që Hamas rrëmbeu më 7 tetor, pastaj ushtarët dhe në fund trupat e pengjeve që u vranë. Por përkundër zërave të Hamasit, vetë kryeministri izraelit Benjamin Netanyahu është shprehur se nuk do të tërheqë ushtrinë nga Gaza dhe as do të vijojë me lirimin e të burgosurve palestinezë. Me ndërmjetësimin e SHBA-së, Egjiptit dhe Katarit, më 28 janar në Paris u mbajt një takim për të diskutuar shkëmbimin e pengjeve dhe armëpushimin mes Hamasit dhe Izraelit. Zyra e kryeministrit izraelit kishte njoftuar se takimi ishte “konstruktiv”, por se kishte ende dallime të mëdha mes palëve. Në kohën e shkëmbimit të deklaratave për një armëpushim të mundshëm, në një spital në Bregun Perëndimor dhe vranë tre militantë palestinezë, duke përfshirë një luftëtar të paralizuar që u qëllua për vdekje në shtratin ku po trajtohej. Raportohet se ata u qëlluan për vdekje nga orcat specialie izraelite, të maskuar si punonjës mjekësorë. Hamasi tha se një nga të vrarët ishte anëtar i tyre. Xhihadi Islamik tha se dy të vrarët e tjerë ishin vëllezër që i përkisnin organizatës së tyre. Ushtria izraelite tha se viktimat u ekzekutuan pasi po planifikonin një sulm ndaj Izraelit të ngjashëm me atë të 7 tetorit nga brenda spitalit Ibn Sina. Pamjet: AFP