Në fillimjaven e dyte te konfliktit te rindezur izraelito-palestinez, presidenti amerikan Joe Biden telefonoi kryeministrin izraelit Benjamin Netanyahu, për ti thënë se mbështet vendosjen e një armëpushimi mes paleve. Deklarata e Shtëpisë së Bardhë mbi telefonatën nuk sqaronte se cfarë përgjigje i ka dhënë Netanyahu një kërkese të tillë. Aty theksohet vetem se “ presidenti shprehu mbështetjen për një armëpushim dhe diskutoi mbi angazhimin e SHBA me Egjiptin dhe partnerë të tjerë drejt këtij qëllimi. Biden, nga sa thekson deklarata, e inkurajoi Izraelin të bëjë çdo përpjekje për të siguruar mbrojtjen e civilëve të pafajshëm. Por ai përsëriti sërish mbështetjen e tij të vendosur për të drejtën e Izraelit për t'u mbrojtur nga sulmet e raketave. Shtëpia e Bardhë tha se të dy udhëheqësit gjithashtu "diskutuan lidhur ,e përparimin e operacioneve ushtarake të Izraelit kundër Hamasit dhe grupeve të tjera terroriste në Gaza." Gjatë së hënës presidenti Biden dhe ndihmësit e tij punuan pas kuintave duke bërë presion për një pushimzjarri mes Izraelit dhe Hamasit, në sfondin e zhgënjimit që kanë ngjallur bombardimet e Izraelit ndaj një ndërtese të Gazës që strehonte disa organizata lajmesh. Biden po përballet me presion në rritje nga ligjvënësit në Partinë e tij Demokrate për të luajtur një rol më të madh, por zyrtarët amerikanë thonë se ai dhe ekipi i tij kanë zgjedhur një përpjekje të pabujshme, duke biseduar me zyrtarë izraelitë dhe aleatë të Shteteve të Bashkuara në botën arabe.