Kërcënimi i përsëritur i Donald Trump për të marrë kontrollin e Groenlandës ka ngjallur një ndjenjë alarmi në të gjithë Evropën. Bashkimi Evropian po forcon linjën e tij zyrtare kundër kërcënimit të Donald Trump për të marrë kontrollin e Groenlandës, i cili përmendi përdorimin e forcës ushtarake nëse është e nevojshme. “Unë mendoj se do e marrim Greonalandën. Unë nuk e di vërtet se çfarë pretendimi ka Danimarka ndaj saj, por do të ishte një akt shumë jomiqësor nëse ata nuk do ta lejonin këtë. Kjo është për mbrojtjen e botës së lirë”, ka deklaruar gjatë fundjavës Trump. Groenlanda është një territor gjysmë autonom i Mbretërisë së Danimarkës që konsiderohet shumë strategjik për shkak të vendndodhjes së saj në Detin Arktik dhe pasurisë së metaleve të rralla. Efektet e ndryshimeve klimatike janë vendosur të hapin rrugë të reja detare dhe mundësi shpimi nëntokësore. “Kufijtë nuk mund të zhvendosen me forcë. Paprekshmëria e kufijve është një parim themelor i së drejtës ndërkombëtare. Parimi duhet të zbatohet për të gjithë,” tha kancelari gjerman Olaf Scholz të martën pas takimit me kryeministren daneze Mette Frederiksen. Ndërsa Frederiksen tha se “I takon Evropës të përcaktojë të ardhmen e kontinentit të tyre.