Njësi të KFOR-it dhe Policisë së Kosovës kanë sekuestruar dhjetë detonatorë me fitila në afërsi të fshatit Gnjezhdan, në komunën me shumicë serbe të Leposavicit. Pajisjet dyshohet se ishin të braktisura dhe mund të paraqisnin rrezik për banorët e zonës. Menjëherë ka nisur një hetim e po kështu, është kontaktuar prokurori i shtetit, i cili ka udhëzuar që hapjen e procedurave ligjore për zotërim ose gjetje të pajisjeve potencialisht të rrezikshme. Pajisjet janë siguruar dhe transportuar në stacionin policor, ndërsa rasti mbetet nën hetime nga njësitë kompetente, të cilat po punojnë për të zbuluar origjinën dhe qëllimin e mundshëm të detonatorëve. Autoritetet i kanë bërë thirrje qytetarëve që të raportojnë çdo gjetje të dyshimtë në mënyrë që të parandalohet çdo rrezik i mundshëm për sigurinë publike. Disa ditë më parë, po në Leposavic e plagosu e u rrëmbyer një serb i Kosovës, cka nixit reagimin e kryeministrit në detyrë Albin Kurti, i cili tha se “qytetari në fjalë është kundërshtar i politikave dhe i regjimit të presidentit të Serbisë, Aleksandar Vuçic”. “Është e qartë që fqinji ynë verior po vazhdon me sulmet e veta që kanë për qëllim disiplinimin e serbëve dhe destabilizimin e Kosovës. Por, unë jam i bindur që me organet tona të sigurisë dhe inteligjencës, në bashkëpunim me partnerët ndërkombëtarë, ajo do të dështojë në këto dy fronte”, u shpreh ai gjatë konferencës për shtyp më 4 nëntor.