Bill Gates deklaroi se "Inteligjenca Artificiale është padyshim mjaftueshëm e fuqishme për të shkaktuar ngjarje që shkaktojnë një miliard vdekje ". Bashkëthemeluesi i Microsoft e tha këtë në një fragment nga një intervistë në "Meet the Press" të NBC Neës, duke iu përgjigjur gazetarit që e pyeti nëse teknologjia ishte mjaftueshëm e fuqishme për t'i dhënë fund njerëzimit. "Nuk ka pasur kurrë një armë aq të fuqishme sa kombinimi i njerëzve me qëllime të liga që përdorin mjetet më të fundit të AI", shtoi bashkëthemeluesi i Microsoft. Lidhur me ngadalësimin e zhvillimit të inteligjencës artificiale të propozuar së fundmi nga CEO i Anthropic, Dario Amodei, Gates tha: "Askush nuk mendon se vetërregullimi është i mjaftueshëm." Paralajmërimi i Bill Gates vjen në mes të një klime në rritje shqetësimi midis shkencëtarëve, qeverive dhe madje edhe pionierëve të Silicon Valley. Vetëm kohët e fundit drejtuesit e laboratorëve kryesorë në botë - nga Dario Amodei i Anthropic te Sam Altman i OpenAI , përfshirë Elon Musk - kanë bërë thirrje për ndalimin e garës së shfrenuar për algoritme të përparuara, duke paralajmëruar se vetëpërmirësimi rekursiv i modeleve rrezikon t'i shpëtojë kontrollit njerëzor.