Në një shkrim të gjatë në blogun e tij “Shënimet e Gates”, bashkëthemeluesi i Microsoft, Bill Gates, thekson se Inteligjenca Artificiale ka potencialin të transformojë shoqërinë, por gjithashtu sjell rreziqe serioze. Sipas Gates, kjo teknologji mund të përdoret madje për të projektuar një armë bioterroriste. “Optimizëm në fund të faqes”, nënvizon Gates në titull, duke theksuar se me gjithë sfidat, mund të ketë shpresë. Por ai paralajmëron se rreziqet nuk duhet nënvlerësuar. “Sot, një kërcënim edhe më i madh se një pandemi natyrore është që një grup joqeveritar të përdorë mjete të IA me burim të hapur për të hartuar një armë bioterroriste, që mund të jetë më keq edhe se sa pandemia që kaluam”. Përveç kërcënimit të përdorimit të IA për qëllime shkatërruese, Gates paralajmëron për ndikimin e saj në tregun e punës.