Kandidati republikan DonaldTrump ka pranuar se mund të humbasë zgjedhjet presidenciale në SHBA, që do të mbahen më datë 5 nëntor. I pyetur nga një gazetar i ABC Neës nëse kishte një shans që ai të humbiste, Trump u përgjigj duke thënë “Po, mendoj! Mendoj se edhe mund të humbas. Dua të them, kjo ndodh, apo jo?” Ai vazhdoi duke thënë se ai kishte një “përparësi mjaft të konsiderueshme”, por se “gjëra të këqija mund të ndodhin”. Kjo vjen pasi ai tha në një tubim në Pensilvani të dielën se e vetmja mënyrë për të humbur është nëse demokratët mashtrojnë. Ka ngelur rreth 24 orë nga zgjedhjet presidenciale, ku amerikanët do të votojnë mes DonaldTrump dhe demokrates KamalaHarris. Ndërkohë, Më pak se 24 orë nga hapja e qendrave të votimit, sondazhet konfirmojnë se hendeku në parashikimin e votave midis KamalaHarris dhe DonaldTrump, është shumë i ngushtë.