Njëzetepesë gamilje të rreshtuara në linjën e nisjes, përgatiten për garën e dy xhirove prej pesë kilometrash, në një prej eventeve më të njohura të festivalit në Niger. Eventi është një celebrim i kultures se barinjve të Saharasë dhej njihet ndryshe si Cure Salé Për tre ditë me radhë shkretëtira e qytezës së Ingal në veri të Niger, do të ngjyroset nga veshjet e mijëra barinjve të shkretëtirës që vijnë për të celebruar. Por presidenti i Niger Mohamed Bazoum, i cili po merr pjesë në aktivitet, ka paralajmëruar se zona është vënë në objektiv të "grupeve terroriste që tentojnë ta pushtojnë atë gradualisht”. Eventi i njohur ndryshe si "Festivali i Nomadëve", është një grumbullim i përvitshëm i popujve Tuareg e Vudabe në veri të Niger. Ceremonia shënon fundin e sezonit të shirave dhe zakonisht zhvillohet në dy javët e fundit të shtatorit.