Një shtetas shqiptar në Nottinghamshire përdori një patentë të rreme për të aplikuar për leje qëndrimi në Britani. 27-vjeçari shqiptar, Armelind Pupla përdori patentë qipriote dhe një foto të një personi tjetër kur bëri aplikimin për të qëndruar në MB. Pas kësaj Home Office ngriti dyshime dhe nisi një hetim. Shtëpia e shqiptarit u kontrollua dhe në dhomën e tij të gjumit u gjet një patentë shoferi britanike dhe një kartë bankare në emër të një burri qipriot, sipas Prokurorisë. Duke pohuar se klienti i tij ka thyer ligjin, avokati i 27-vjeçari tha se Pupla nuk ka precedent penale dhe se kishte marrë lejen e drejtimit të rreme për të punuar, me qëllim të ndihmonte gruan dhe prindërit. “Ai është duke u trajnuar për t’u bërë hidraulik dhe njëkohësisht vazhdon shkollën e lartë. Po përpiqet të jetojë, ashtu sikurse partnerja e tij po përpiqet të bëhet dentiste dhe ne kemi nevojë për denstisti këtu në Britani″, përfundoi Gimson. Pupla u deklarua fajtor për akuzën e posedimit të një dokumenti të rremë identiteti por ai nuk ka asnjë dënim të mëparshëm as në Mbretërinë e Bashkuar, as në vende të tjera. Kështu që pas dënimit me katër muaj burg, në përfundim, për të u vendos të kryente 80 orë punë e papaguar.