Drejtuesi Politik i Partisë Socialiste për Qarkun e Fierit Taulant Balla prezantoi kandidaten socialiste Eriselda Stefa përpara banorëve të Dushkut në Lushnjë. “Jam këtu për t’ju kërkuar votën për kryetaren e bashkisë Eriseldën, një vajzë model e cila si unë i ngjiti shkallët e karrierës dalëngadalë, me 16 vite eksperiencë dhe e di që kemi bërë zgjedhjen e duhur. Me votëbesimin tuaj në 6-mars shumë punë na presin, e dimë që duhet të kishim bërë shumë më shumë punë jo vetëm në Lushnjë edhe në Njësinë tuaj por vijmë pas 2 vitesh të vështira për të gjithë ne dhe tani ka ardhur momenti ti fokusohemi punëve për Lushnjën“, tha Balla.