Një fermer peruan shpreson që padia e tij kundër gjigandit energjitik gjerman RËE të shpëtojë shtëpinë e tij në Ande, dhe të ndalojë shkrirjen e akullnajave. Gjykatës dhe ekspertë gjermane kanë vizituar tashmë lagunën Palcacocha dhe akullnajat këtë jave, për të llogaritur efektet në rastin e paprecedentë. Paditësi Saúl, i cili jeton në male akuzon RËE se po shkakton shkrirje të akullnajave prej emetimeve të gazeve me efekt serë. Çështja e tij u refuzua në shkallën e parë të gjykatës gjermane të Essen. Por ekspertët e ardhur thanë se do të llogarisin rrezikun që paraqitet për komunitetin në Huaraz, qyteti verior me 120,000 banorë rreth tetë orë me makinë larg kryeqytetit Lima. "Ne duam që RËE të marrë përgjegjësinë për demet mjedisore. Ata kanë ndotur botën në shumë vende dhe me këtë padi ne duam të ketë një ndryshim”, thotë peruani 41 vjeçar. Një qëndrimi ngjashëm mbahet dhe nga Avokatja Roda Verheyen, e grupit OJQ mjedisor që perfaqeson padinë e ngritur. RËE operon në 27 vende të botës duke përfshirë Kilin e Brazilin me centrale energjitike dhe nxjerrje mineralesh, por është hera e parë që vendoset në Peru. Përfaqësuesi i saj Guido Steffen tha për rrjetin AFP se pretendimi "u refuzua në shkallën e parë dhe do të refuzohet edhe në apel”.