Top Channel/ Fruthi, shkak të pavaksinuarit!Mjekët:Raste kur prindërit shtyjnë vaksinimin e fëmijëve

Nuk ka raste të identifikuara të fruthit deri tani në qarkun e Elbasanit, por sistemi shëndetësor ka kaluar në gatishmëri pasi në shkolla e kopshte janë regjistruar fëmijë të pavaksinuar. Mjekët vërejnë që kohët e fundit janë shtuar rastet e prindërve që shtyjnë në kohë apo edhe anullojnë vaksinën e fruthit. “Fatkeqësisht kemi fëmijë që nuk vaksinohen. dhe ky është problemi që ne jemi sot në shpërthime të tilla për të cilat kemi kohë bëjmë apel. Shikojmë nga ana e prindërve, por edhe nga ana e mjekut që është përgjegjës që ka tendencë për ta spostuar si vaksinë. Të mos themi pastaj që kemi raste fare të pavaksinuar dhe fëmija regjistrohet në shkollë e kopsht dhe bëhet kontigjent për përhapjen e infeksionit.