Franca kërkon 2 mijë oficerë policorë për të ruajtur sigurinë gjatë Lojërave Olimpike të kësaj vere në Paris. Kjo do të jetë olimpiada e parë që mbahet në kryeqytetin francez pas një shekulli, në një kohë që janë rritur edhe shqetësimet për sulme të mundshme, nisur edhe nga fakti që Parisë është një qytet që është goditur vazhdimisht nga ekstremistët islamikë. Organizatorët janë duke i përfunduar planet e sigurisë për Olimpiadën, ndërsa ministria e Brendshme konfirmoi se është kërkuar ndihmë për sigurinë nga 46 vende të tjera. I pari vend që i është përgjigjur pozitivisht ftesës është Polonia, sipas autoriteteve franceze. Qeveria e Francës ndërkohë thotë se e ka ngritur vigjilencën e sigurisë në shkallën më të lartë që pas masakrës së rëndë të ndodhur në Moskë më 22 mars, përgjegjësinë për të cilën e mori Shteti Islamik. Pamjet: AFP