Pas plot 52 vitesh mbretërim, Mbretëresha e Danimarkës, Margrethe II i ka dorëzuar fronin djalit të saj, Frederik, duke e bërë atë mbretin e ri të danezëve. Pak pas orës 14:00 me atë lokale Margrethe II nënshkroi aktin e abdikimit, ndërkohë që njoftimin e kishte bërë qysh natën e Vitit të Ri. Me firmosjen e këtij dokumenti të paprecedentë, në historinë bashkëkohore të kësaj monarkie mijëravjeçare Margrethe, u bë monarkja e parë daneze në 900 vitet e fundit që heq dorë nga kurora me dëshirë. Rreth 100 mijë njerëz u mblodhën në rrugët e kryeqytetit danez këtë të dielë për t’i dhënë asaj lamtumirën si dhe për të përshëndetur mbretin e ri. Ishte kryeministri i Danimarkës, Mette Frederiksen, që e shpalli 55 vjecarin mbret në ballkonin e Parlamentit, me fjalët “Rroftë Mbreti Frederik i 10-të”.