Organizata për Bashkëpunim dhe Zhvillim Ekonomik OECD publikoi renditjen e PISA-s më 5 dhjetor, duke paraqitur një vlerësim të aftësive të nxënësve 15-vjeçarë në fusha themelore si matematika apo të kuptuarit me shkrim. Rezultatet e programit PISA 2022 flasin për një rënie historike prej 21 pikësh të nxënësve të Francës në Matematikë, për periudhën 2018 deri në 2022. Kjo është edhe rënia më e madhja që nga studimi i parë PISA”, bëri të ditur OECD. Rënia vërehet edhe në të kuptuarit me shkrim dhe në lëndët shkencore, në Francë dhe brenda OECD. Rezultati i studentëve francezë bie me 19 pikë në të kuptuarit e tekstit të shkruar dhe me 6 pikë në shkenca. Sipas studimit, “rënia e thellë i atribuohet vetëm pjesërisht pandemisë Covid-19”, sipas OECD. Ministri i Arsimit Kombëtar, Gabriel Attal pritet të paraqesë disa masa për t’iu përgjigjur këtyre çështjeve Megjithatë, vërehet një rënie historike në 81 vende anëtare dhe partnere të OECD-së. E publikuar çdo tre vjet, Klasifikimi i PISA-s, që publikohet një herë në tre vjet, fokusohet në tre fusha si shkencë, matematikë dhe të kuptuarit e leximit dhe ofron zhvillim të thelluar të njërës prej lëndëve. Këtë vit matematika ishte “më e rëndësishmja” në renditje. Studimi bazohet në një kampion prej 690 000 nxënësish 15-vjeçarë, përfshirë 6 770 në Francë. Renditja e Pizës mbledh edhe elementë të tjerë për kushtet e mësimdhënies. Nëse 91.5% e nxënësve francezë deklarojnë veten të sigurt në shkollë, 16% raportojnë se nuk janë të kënaqur me jetën e tyre krahasuar me vetëm 7% në 2015. Shifra alarmante pasi bullizmi në shkollë vazhdon të jetë i shpeshtë dhe disa studentë kryen vetëvrasje vitin e kaluar. Ndërsa 30% e studentëve francezë thonë se janë të hutuar nga pajisjet dixhitale që përdorin në klasë, 50% ankohen për zhurmën dhe rrëmujën në klasë. Pamjet: AFP