Të dielën francezët votojnë për qeverinë e tyre të re në një proces ku duket se për herë të parë që pas luftës së dytë botërore një parti e ekstremit të djathtë do vijë në pushtet. Emanuel Makron do jetë president deri në 2027 por kundërshtarja, Marine Le Pen, e ka bërë të ditur se nëse partia Aleanca Nacionale fiton postin e kryeministrit, ajo nuk do të jetë e kënaqur të lejojë Macron të hartojë kursin strategjik të vendit per ceshtje si Ukraina, mbrojtja, diplomacia dhe zgjedhja e një komisioneri të BE-së. Përplasja për kompetencat në Francë mund të shkaktojë paqartësi në kombin me arme bërthamor dhe 68 milionë banorë. Franca ka kaluar nëpër periudha bashkëjetese më parë – kur presidenti dhe kryeministri vijnë nga parti të ndryshme – por kjo gjithmonë përfshinte një bashkëpunim mjaft të drejtpërdrejtë midis partive me pikëpamje të ngjashme për cështjet globale. Këtë herë, një kryeministër i ekstremit të djathtë nga aleanca kombëtare do të trondiste rendin politik. Të mërkurën, Le Pen tregoi se ajo është e vendosur të marrë me thonj çdo copë pushteti që mund të merrte nga presidenti nëse partia e saj siguronte një shumicë mjaft të fortë në zgjedhjet parlamentare. Një temë e nxehtë është dërgimi I ushtaraqvë ne ukrainë, Le Pen e cilëson roli e presidentit si simbolik dhe se macron nuk do jhetë në gjendje të dërgojë trupa në ukrainë. Por Macron tha në fillim të këtij muaji se po “finalizonte” planet për të dërguar trajnerë ushtarakë në Ukrainë dhe tensionet mbi marrëdhëniet me Rusinë ka të ngjarë të jenë në qendër të debatit mbi drejtimin strategjik të Francës. Ndërsa Macron e ka riformuluar veten si një mbrojtës të Ukrainës – duke premtuar avionë luftarakë për Kievin – Le Pen ka një histori të gjatë të flirtit politik me Kremlinin, me Macron që madje e akuzon drejtpërdrejt se ishte në listën e pagave ruse. Pamjet: AFP