Pas 50 ditësh ngërç presidenti arrin të formojë qeverinë e re. Mishel Barnie është emëruar nga Presidenti Emmanuel Macron si kryeministër i ri i Francës. 73-vjeçari pason 35-vjeçarin Gabriel Atal. “Presidenti i Republikës ka emëruar Mishel Barnie si kryeministër, duke e ngarkuar atë me krijimin e një qeverie bashkimi në shërbim të vendit dhe francezëve”, njoftoi Elize në një deklaratë për shtyp. Ky emërim vjen pas një raundi të paprecedentë konsultimesh, gjatë të cilave, Presidenti siguroi që kryeministri dhe qeveria e ardhshme të bashkojnë objektivat për të qenë sa më solidë. Barnie është një njeri me përvojë të madhe si në skenën franceze ashtu edhe në atë evropiane, pasi ka qenë ish-ministër i jashtëm, ish-komisioner i BE-së, ish kryenegociator evropian në negociatat komplekse të Brexit. Në moshën 73-vjeçare, ai bëhet kryeministri më i vjetër në historinë e Republikës së Pestë Franceze dhe nga një ironi e çuditshme e fatit ai do të zërë vendin e kryeministrit më të ri Gabriel Atal Mishel Barnie nuk vjen nga Fronti i Ri Popullor që fitoi zgjedhjet, por nga një parti që mori më pak vota nga të gjitha. Zgjedhjet u vodhën", tha lideri i kësaj partie, Zhan-Luk Mélenshon që paralajmëroi demonstratë kombëtare më 7 tetori...