Rusia do të ftohet për të dërguar përfaqësues në një ceremoni ndërkombëtare në Francë, në përkujtim të 80-vjetorit të “D Day”. Mirëpo organizatorët francezë kanë sqaruar se nuk është ftuar presidenti rus, Vladimir Putin, raportojnë mediat ndërkombëtare. Pallati Elize thuhet se ka rënë dakord që Rusia të jetë e përfaqësuar, mirëpo ka thënë se lideri i saj nuk është i mirëpritur për shkak të luftës në Ukrainë. “Duke marrë në konsideratë rrethanat, presidenti Putin nuk do të ftohet që të marrë pjesë në organizimin përkujtimorë të zbarkimit të forcave aelate në Normandi”, ka thënë komiteti organizativ i Misionit Çlirimtar. Megjithatë, Rusia do të ftohet dhe do të ketë përfaqësuesit e saj në mënyrë që të nderohet rëndësia e angazhimit dhe sakrificave të popujve sovjetikë, si dhe kontributi i saj në fitoren e 1945-ës. “Ndryshe nga regjimi i Kremlinit, Franca nuk ndjek një politikë të revizionizmit historik”, thuhet në një deklaratën e organizatorëve. Asnjë informacion tjetër nuk është dhënë, madje as ambasada ruse në Paris dhe as Kremlini nuk reagoi ndaj deklaratës dhe nuk treguan nëse ftesa do të pranohej. Më shumë se 20 milionë trupa sovjetike vdiqën gjatë Luftës së Dytë Botërore. Putini ishte i ftuar dhe mori pjesë në ceremoninë për të shënuar 70 vjetorin e “D Day”, pavarësisht se 10 vite më parë sapo kishte aneksuar Krimenë. Në atë kohë, presidenti i atëhershëm francez, Fransua Holond, pati deklaruar se "ju mund të keni dallime në mendime me Vladimir Putinin, por unë kurrë nuk kam harruar dhe kurrë nuk do ta harroj se populli rus dha miliona jetë". Pamjet: AFP