Franca kushtëzoi sërish liberalizimin e vizave për Kosovën në mbledhjen e këshillit evropian të enjten. Sipas rel, në mbledhjen e mbyllur është propozuar që procesi i liberalizimit të vizave për Kosovën të lidhet me funksionalizimin e sistemit për siguri në Evropë, ETIAS. Ky propozim i bërë nga zyrtarët francezë, është mbështetur prej të paktën katër shteteve tjera: Suedisë, Belgjikës, Holandës dhe Spanjës. ETIAS është sistemi evropian për autorizim dhe informacione rreth udhëtimit, krejtësisht elektronik, që mundëson verifikimin e të dhënave të qytetarëve të vendeve të treta, për të hyrë në Zonën Schengen. BE-ja planifikon që kjo masë të hyjë në fuqi në maj të viti të ardhshëm, dhe në mesin e këtyre vendeve që do t’i nënshtrohen kësaj procedure autorizuese, janë edhe vendet e Ballkanit Perëndimor. Shqipëria, Maqedonia e Veriut, Serbia, Bosnja e Hercegovina, prekeshin fillimisht nga kjo masë, dhe e njëjta gjë tani po kërkohet edhe për Kosovën. Formulari ETIAS kërkon të dhënat e udhëtarit, si dhe informacion mbi gjendjen e tij shëndetësore, udhëtimet e fundit dhe vereifikm për precedentë kriminale. Aplikimi për autorizimin do të kushtojë 7 euro për person. Kosova mbetet i vetmi vend në Ballkanin Perëndimor dhe në Evropë që nuk gëzon liberalizimin e vizave edhe pse i ka plotësuar kushtet para disa vitesh. Një rrugë e cila ka nisur 12 vite më parë . Pamjet: AFP