Duke folur sot pas mbledhjes së kabinetit, zëdhënësi qeverisë franceze Olivier Veran tha se Parisi "dënon grushtin ushtarak të shteti në Gabon" dhe shtonte se "po monitorojmë nga afër situatën. "Ne po ndjekim zhvillimet në terren por duam të shikojmë respektimin e rezultatit të zgjedhjeve kur ato të shpallen," tha Veran duke iu referuar zgjedhjeve të kontestuara të së shtunës ku fitoi sërisht presidenti Ali Bongo. Ky i fundit është dëbuar sot nga posti prej krerëve të ushtrisë dhe është vendosur në arrest shtëpie. Gjeneralët e ushtrisë njoftuan më herët në televizion se po merrnin pushtetin dhe se anulonin rezultatet e zgjedhjeve të së shtunës, të cilat risollën në pushtet zotin Bongo por të deklaruara të manipuluara nga pozita. Bongo dhe familja e tij qëndronin në pushtet prej më shumë se 50 vitesh në Gabon. Në një fjalim që u lejua të mbante nga shtëpia e tij, Bongo nxiste mbështetësit "ngrini zërin tuaj". Oficerët e ushtrisë thanë se gjithashtu kishin arrestuar një prej djemve të Bongo për tradhti kombëtare. Vendi është një nga prodhuesit më të mëdhenj të naftës në Afrikë dhe ka rreth 90% të sipërfaqes të mbuluar me pyje, por njerëzit jetojnë në varfëri prej korrupsionit e keqmenaxhimit. Ky është grusht-shteti i tetë në ish-kolonitë franceze në tre vitet e fundit, teksa shton se kufijtë e vendit janë aktualisht të mbyllura deri në një njoftim të ardhshëm.