Marina franceze ndaloi një anije ruse mallrash në La Mansh, e cila kishte për destinacion Shën Petërburgun. Zyrtarët francezë thanë për BBC se bllokimi u krye në në përputhje me sanksionet e reja të Bashkimit Evropian. “Një anije mallrash ruse 127 metra e gjatë e quajtur ‘Lideri Baltik’ që transportonte automjetet është ndaluar gjatë natës nga marina franceze dhe është shoqëruar në portin e Boulogne-Sur-Mer në Francën veriore”, thanë ata duke sqaruar se anija u dërgua në portin francez pas një kërkese të qeverisë së Francës, sepse dyshohet se i përket një kompanie të shënjestruar nga sanksionet e BE-së kundër Moskës. Aktualisht, anija po verifikohet nga forcat kufitare franceze. Ambasada ruse në Paris reagoi menjëherë duke kërkuar shpjegime nga autoritetet franceze lidhur me konfiskimin. Po sot, një anijë japoneze mallrash u godit nga një raketë në brigjet e Ukrainës në Detin e Zi të premten, duke lënduar lehtë një anëtar të ekuipazhit. në bord, kishte 20 persona. Mendohet se raketa që goditi pjesën e pasme të anijes “Namura Queen” ishte lëshuar nga forcat ruse.