Policia e Kerala në veri të Indisë, tha se ka arrestuar 45 vjeçarin Lijeesh, për vjedhje të monedhave të floririt dhe parave në vlerë 27.5 milionë rupi, nga shtëpia e fqinjit të tij Ashraf, tregtar i njohur orizi në Manna, Valapattanam. Komisioneri i policisë Ajit Kumar konfirmoi arrestimin e të akuzuarit duke detajuar hetimin delikat që solli ndalimin e tij. Lijeesh saldator dhe ish-ushtarak, kishte pranuar dje krimin gjatë marrjes në pyetje dhe arrestimi i tij u regjistrua sot, thanë autoritetet. Sipas policisë Lijeesh kishte kryer vjedhjen duke thyer dritaren e shtëpisë së Ashraf ndërsa kishte përfunduar vjedhjen për 40 minuta, teksa Ashraf me familjen kishin shkuar në një dasmë në rajonin fqinjë Tamil Nadu. Familja kishin zbuluar vjedhjen pas kthimit në banesë. Hetuesit kishin identifikuar Lijeesh nga kamerat e sigurisë si dhe nga shenjat e gishtërinjve.