Një mësuese e shkollës fillore në Florida është arrestuar pasi dyshohet se kishte mbajtur një fëmijë autik 3-vjeçar të shtrirë në tokë, duke i shtrënguar kokën me këmbët e saj, teksa jepte mësim. Vilma Otero, 59 vjeçe, akuzohet për abuzim të fëmijëve pasi një paraedukatore dëshmoi incidentin në klasën e saj në shkollën fillore Forest Lake. Teksa shikonte nëpër dhomë, dëshmitarja pa të voglin mes këmbëve të saj duke e shtrënguar që të mos lëvizte. Më pas fëmija ka nisur të bërtasë dhe të qajë, duke kërkuar që të largohet. Dëshmitarja e tmerruar ka mundur të kapë një foto të momentit, të cilën më pas e ka dorëzuar në polici. Sipas Fox35, e akuzuara mohoi ta kishte keqtrajtuar të voglin, por se sipas saj po e mbante në atë mënyrë që t’i tërhiqte vëmendjen teksa i tregonte mësimin në librin që kishte në dorë.